Trahadó inkansabel pa Little League Liga Willemstad, Dennis Jansen a bai sosegá

WILLEMSTAD - Den wikènt nos a risibí e notisia tristu ku Dennis Jansen, presidente di Liga Willemstad a fayesé.
Dennis tabata un trahadó inkansabel pa e liga. E tremendo kabayero aki no tabata gusta bini den publisidat.
Djaweps 22 di mei lo dera Dennis Jansen ku honor di Little League kaminda organisashonnan di Little League lo ta presente.

DENNIS
Nos konosé Dennis pa hopi tempu laborando na Catering di ALM, despues DCA.
Dennis tabata un persona stret i un gran trahadó.
Nos a topa Dennis atrobe na inougurashon di Liga Willemstad i e tabata den e direktiva diario di e liga for di aña pasá.
Un hòmber atministrativamente hopi bon.
Apesar di e problemanan ku tabatin den Liga Willemstad aña pasá, Dennis a presentá ku un relato di aña ‘super-tremendo’, profeshonal ku tur esnan envolví den Little League a keda kombersá di e relato.

ENTIERO
Akto di entiero ta tuma lugá djaweps, 22 di mei saliendo for di Consolador pa Santana Katóliko na Santa Maria.