Jaws Liga 50 ta gana su di 30 wega siguí ku viktoria riba Lions den tremendo wega

WILLEMSTAD - Jaws Liga 50 di Kid Boca Chica tabata den gran forma djasabra mainta i a gana Lions ku skor di 6-3.
Lions tabata ganá ku skor di 2-0, pero Jaws manera semper ta bini bèk i a kibra invikto di Lions den Liga 50.
Jaws ekipo kampion di Liga 50 ta keda sólido i masha tempu no a pèrdè un wega. E ekipo tin 30 wega ganá siguí.

ULTIMO INNING
Den último inning e wega tabata empatá na tres kareda.
Giovanni ‘Vanchi’ Toppenberg ta konektá un homerun di tres kareda pa e ekipo di Jaws bai ariba 6-3.
Den último oportunidat di e ekipo Lions nan no ta nota kareda pa e wega terminá 6-3. Ekiponan di Liga 50 ta pendiente pa kibra e racha di viktoria di Jaws.