Awe tardi di un santu sakrifisio di misa pa 6.30 na misa di Buena Vista sigi pa un tremendo resepshon na Holiday Beach Hotel. Den kurso di dianan softballcuracao.com tin reportahe amplio ku potret.
Nos a risibi un mail di historia di Pichingolo ku nos lo kompartí ku boso. Lesadonan (ront Mundu i Antias) por reakshona i manda felisitashon pa e tremendo organisashon aki ku tin fanatiko i eks-hungado ront mundo via nos website.
Fundashon di Pichingolo:
Na aña 1972 algun mucha di e bario di Buena Vista ku tabata bai Sta. Martha School ku awor ta Kolegio Nechi Pieters a bira sup kampeon di “slagbal” eskolar.
Despues di e éksito den”slagbal” na skol nan a disidí ku nan ta legumai bala di tènis i ta bai hunga sòftbòl.
E muchanan di Santa Martha School a bini huntu riba e tereno ku awor tin e garashi di ABC den kurason di Buena Vista.
Nan a kuminsá hunga ku bala bieu, ora e balanan kibra abuelo di Bernadita Geerman tabata yuda kosiendo e bala.
Den e grupo di mucha aki tabatin: Bernadita i Zenaida Geerman, Silvia, Silvania i Selma Clark, Vera Refos, Clara Comenencia, Clara Liberia i algun otro mucha mas.
Despues di a hunga riba e tereno kaminda awe ta garashi di ABC e hobensitanan a bai vèlt di Buena Vista kaminda ku Pichingolo mucha hòmber tabata train i nan tabata fia nan materialnan. Sr. Regulo Montero i Sr. “Faai” Montero kendenan tabata hunga den Pichingolo maskulino tabata yuda nan ku training, despues tambe a djòin nan Sr. Wilfrido Monte (dfm).
Ya na vèlt di Buena Vista mas mucha a djòin, entre nan tabatin: Fanny Holder, Rugiela Hazzell, Soraida Juliana, Merelyn Windeveld, Diana Bosk, Marjory Gerardo, Maria Pinedo i otronan....
E nòmber PICHINGOLO ta derivá for di “Pinchi” i “Galòn”, ya ku e tim di mucha hòmber despues di wega semper tabata reuní i dal nan “kos”....
E tim mucha muhé di Pichingolo ta inskribí pa nan promé kampeonato den temporada 1973/74.
Ofisialmente a pone e fecha di fundashon di Pichingolo Sòftbòl Klup dia 7 di mei 1973.
Den luna di desèmber riba un djasabra atardi na aña 1973 Taffy de Jongh huntu ku Wendley, “Chapè” Bernardus riba invitashon di Zenaida Geerman ku tabata bai skol ku Taffy a pasa vèlt di Buena Vista, train e muchanan pa di promé biaha.
E muchanan ku a gusta mesora a invitá e duo aki pa nan regresá i tabata te ku di awe.
E promé kampeonato ku Pichingolo mucha muhé a kompetí aden no a bai bon, despues ku Regulo Montero ku tabata manager a keda sin presentá pa dirigí un wega den stadion di rif i Bernadita Geerman na edat di 15 aña mester a para komo manager e desishon a kai ku ta “FIRE” Regulo Montero i Sr. Angel Keep a bira manager, asistí pa Taffy de Jongh.
Sr. Angel Keep a keda algun tempu i ora ela ripara ku Taffy tabata serio ela laga e trabou di manager pa Taffy, i tambe a djòin e kuerpo tékniko “Chapè” Bernardus i Cecil Garcia.
Cecil Garcia despues di tabata coach/entrenadó a bai traha den direktiva dje klup i yuda den organisashon, promé komo sekretario i despues presidente.
Sr. Angel Keep ku tabata presidente a wòrdu nombrá komo presidente honorario.
Na aña 1975 Pichingolo/Soberano di spònser pa Licores Maduro a titulá kampeon di klase A i gana di Sansui All Stars den wega di promoshon i degradashon i subi pa klase dòbel A.
E promé temporada ariba ya kampeon !!
Na mart di 1977 Pichingolo/Soberano a bira pa di promé biaha kampeon di Kòrsou. Tabata nan promé aña den divishon máksimo, esta dòbel A.
Pichingolo a logra di destrona e temibel ekipo di Rising Trotters di Sam Buntin ku pa hopi tabata un tim imperdibel.
Despues di titulá kampeon den promé aña den dòbel A Pichingolo a keda ku e titulo 10 aña konsekutivo.
Den temporada 1986/1987 Cardenales di Aston Gumbs (dfm) i “Jet” Jansen a kòrta e racha di 10 titulo konsekutivo.
Pichingolo ta rekonkista e siguiente aña mes i ta mantené e korona di kampeon di Kòrsou 5 aña tras di otro promé ku Blue Angels/Vanddis di “Papito” van der Dijs i dirigí pa “Capi” Betorina ku Dulce Sophia riba montikulo kita e korona for di nan na aña 1992.
E siguiente aña Pichingolo mes manera un GRAN KAMPEON nan ta bin bek kue nan titulo i kuminsá un racha di 15 aña konsekutivo kampeon di Kòrsou
Den 32 kampeonato di e divishon máksimo Pichingolo a bira kampeon 30 biaha I na 2 okashon sup kampeon !!
Na 4 okashon: 1997, 2001, 2002 i 2003 Pichingolo a bira kampeon i sup kampeon di Kòrsou. Kampeon ku Pichingolo Nissan i sup kampeon ku Pichingolo Kia Motors.
Pichingolo Kia Motors i Pichingolo Nissan tabata train huntu bou di direkshon di e mes téknikonan na vèlt di Buena Vista.
Pichingolo i kampeon a bira manera un símbolo.
E organisashon di Buena Vista a gana un kantidat di titulo den sòftbòl hubenil, gana tur e 4 kampeonatonan Antiano ku nan a partisipá aden. Den tur kompetensia ku Pichingolo a partisipá aden nan a hunga final i sali sea kampeon o sup kampeon.
Na aña 1994 na Kòrsou Pichingolo/Nissan a bira KAMPEON DI REINO ULANDES ku partisipashon di HCAW ku tabata kampeon di Ulanda i otro timnan lokal..
Tambe Pichingolo a bai Ulanda i bira kampeon di un torneo Internashonal na Amsterdam.
Aki na Kòrsou tambe e tim di Buena Vista a gana un torneo Internashonal ku partisipashon di Colombia, Venezuela i 2 tim di Ulanda.
Entre e triunfonan grandi di Pichingolo tin triunfonan riba Universidat di Illinois di Estádos Unídos di divishon-1 di sòftbòl di Merka.
Tambe triunfo istóriko di 1-0 riba e representashon di Merka The Californians
Pichingolo a biaha na vários okashon pa Venezuela pa weganan amistoso internashonal i semper ku bon resultado. Na un okashon hasta pa e seriedat ku e tim ta prepará i dediká reporteronan a puntra si ta profeshonal e muchanan di Pichingolo/Nissan ta ???
Pichingolo a produsí i tambe haña masha hopi sòftbolista bon. Semper Pichingolo su filosofia tabata “TEAM-WORK” i ku kada training di nobo mester traha duru i hasi esfuerso, pa Pichingolo semper e siguiente titulo ta importante.
No comments:
Post a Comment